البرمجة من أقوى وأكثر المهن المطلوبة في أوروبا والعالم العربي، ومن أكثرها دخلاً للشخص اللي تعبان على نفسه ودارس صح.
<aside> 💡
أنت تستطيع النجاح في البرمجة، وبتقدر تصير أحسن واحد بالمجال هذا، اللي نجح قبلك مانه أذكى منك إنما بذل وقت وجهد لنجح
</aside>
لا تخلي الناس تحبطك وتقلك ليك هذا قاعد، وهذا ما ملاقي شغل والبرمجة أصلاً رح تنعدم بوجود الذكاء الاصطناعي.
إفهم شو يعني برمجة، معرفتك للغات البرمجة لا يعني إنك مبرمج. لغة البرمجة هي أداة لحل المشكلة، إنما المبرمج هو الشخص اللذي يحل المشكلة ويوظف لغة البرمجة لحلها. كل فترة بينزل لغات جديدة، لغة البرمجة لا تشكل شيئاً من مسيرتك. تعلم الأساس، ومن ثم رح تشوف التنقل بين لغات البرمجة رح يكون من أسخف الأشياء.
ببساطة البرمجة هي أسلوب تفكير وحل منطقي للمشاكل ويتم توظيف أداة (لغة البرمجة لحلها) والمنطق بدو مدة طويلة لينبنى.
في بداية مسيرتك، إبتعد عنها لأنها تقدم أدوات جاهزة تسهل عليك الشغل وتختصر عليك وقت وجهد كبير. بس هاد شي كويس؟ ببدايتك لأ، لأنه بيختزل عليك اَلية عمل الأشياء في الخلفية وأنت ما فهمان شو عم يصير وكيف وليش. و بأول مشكلة بتصير معك بالبرنامج ما بتقدر تصلحها.
تعلم الأشياء على أصولها في مرحلة التأسيس، تعلم بالطريقة الصعبة ولا تلحق السهل دوماً. تشوفه سهل لأنه ناس قبلك بسطولك الموضوع وما بيفرجوك أو بعلموك شو صار بالخلفية.
نصيحة الدكتور البداية في سي بلس بلس أو جافا، لتقوي اللوجيك أو المنطق بدك تحل 2000 سؤال لتقوي نفسك وتفكيرك بالمجال. مثل أسئلة طباعة نجوم أو أشكال، مسائل رياضية تعملها أتمتة برمجياً وكتير شغلات. رحلة طويلة وبدها صبر، والبرمجة مثل السواقة ما بتنتسى.
بعد ما تخلص حل 500 ل 2000 سؤال واللي رح ياخد معك مو أقل من سنة، بلش تعلم لغة من اللغات الحديثة وتعلم داتا بيز وطبق عليهم مشروع كامل. فيك تختار فيجوال بيسك أو سي شارب. تعلم قاعدة بيانات و SQL وأعمل مشروع بسيط مثل نظام تسجيل في الجامعات. قواعد البيانات أيضاً نفس مبدأ لغات البرمجة المنطق نفسه ولكن الأدوات تختلف.